ՄԵՐ ԸՆԿԵՐՈՒԹՅԱՆ ՄԱՍԻՆ
Վստահեք Ձեր ճանապարհների կառուցումը մեզ«Հրազդանի ՃՇՇՁ» բաց բաժնետիրական ընկերությունը Հայաստանի Հանրապետությունում ճանապարհաշինության ոլորտի հզոր և առաջատար ընկերություն է՝ հարուստ և մեծ փորձով․ ոլորտում է ավելի քան 60 տարի։
«Հրազդանի ՃՇՇՁ» ԲԲԸ-ն զբաղվում է ճանապարհների
կառուցման, վերակառուցման, կապիտալ վերանորոգման, հիմնանորոգման, փոսալցման աշխատանքներով,
ասֆալտի և շինարարական հումքի արտադրությամբ և վաճառքով, շինարարական մեխանիզմների
վարձակալությամբ:
Ընկերությունը ՀՀ ռեզիդենտ է, մասնավորեցվել է 1997 թ.-ին, գրանցված է ՀՀ
արդարադատության նախարարության իրավաբանական անձանց պետական ռեգիստրում:
«Հրազդանի ՃՇՇՁ» ԲԲԸ տնօրենն Էդգար Բաղդասարյանն է, ով հանդիսանում է ընկերության
գործունեության ընդհանուր ղեկավարումն իրականացնող պաշտոնատար անձ:
Ընկերության այժմյան վարչակազմակերպչական կառուցվածքը հաստատվել է «Հրազդանի ՃՇՇՁ»
ԲԲԸ-ի տնօրենների խորհրդի որոշմամբ 01.02.2001թ. N1 արձանագրությամբ:
«Հրազդանի ՃՇՇՁ» ԲԲԸ-ն շահագործում է գրանոդիորիտների հանքավայր, որտեղից հումքը
տեղափոխվում է ընկերությանը պատկանող ասֆալտ-բետոնի գործարան, այստեղ քարը, խիճը և ավազը ենթարկվում են մշակման, արտադրվում է ասֆալտ: «Հրազդանի ՃՇՇՁ» ԲԲԸ-ն Հայաստանի
Հանրապետությունում ճանապարհների շինարարությամբ և շահագործմամբ զբաղվող այն եզակի
ընկերություններից է, որն ունի գերմանական «Տելտոմատ» արտադրության ասֆալտ-բետոնի գործարան:
Հանք
Կաքավաձորի գրանոդիորիտների հանքավայր
Հասցե՝ ՀՀ, Կոտայքի մարզ, Կաքավաձոր տանող ճանապարհ
Ընդերքօգտագործում՝ Հանքը շահագործվում է ընդերքի օգտագործման և պահպանության բնագավառում ընդունված
ստանդարտներին, նորմերին և կանոններին համապատասխան:
Կաքավաձորի գրանոդիորիտների հանքավայրից քարը տեղափոխվում է գործարան
Ասֆալտ-բետոնի գործարանում քարը լցվում է հաստոցների մեջ, ջարդվում, աղացվում և մանրացվում է
Քարջարդման պրոցեսից հետո ստացվում է տարբեր ֆրակցիաների խիճ, ավազ
Ավազի և խճի տարատեսակ համակցումներից ստացվում են ասֆալտի արտադրության մեջ օգտագործվող տարբեր նյութեր:
Նյութերի տեսակներից են` ասֆալտ-բետոն մանրահատիկ,ասֆալտ-բետոն խոշորահատիկ, խճաավազային հիմք C5, խճաավազային հիմք C3 և այլն:
Այս բոլոր բաղադրիչներն օգտագործվում են ճանապարհաշինարարական աշխատանքների մեջ:
ՇԻՆԱՆՅՈՒԹ
Հանդիսանալով շինարարության ոլորտի առաջատար ընկերություններից մեկը՝ «Հրազդանի ՃՇՇՁ» ԲԲԸ-ն իրականացնում է մեծածավալ հումքի մատակարարում գործընկերներին:
ՄԵՐ ԱՇԽԱՏԱՆՔՆԵՐԸ
«Հրազդանի ՃՇՇՁ» ԲԲԸ-ի կողմից իրականացվել են բազմաթիվ նախագծեր։ Մեր գործընկերներ-պատվիրատուներն են ՀՀ ՏԿԵՆ-ը, «Ճանապարհային դեպարտամենտ» հիմնադրամը, Հրազդանի համայնքապետարանը, Կոտայքի մարզպետարանը, միջնակարգ դպրոցներ (ՊՈԱԿ-ներ), ինչպես նաև մի շարք այլ իրավաբանական և ֆիզիկական անձինք։
ՏԵԽՆԻԿԱ
«Հրազդանի ՃՇՇՁ» ԲԲԸ-ն վարձակալությամբ է տրամադրում շինարարության ոլորտում պահանջված և ժամանակակից տեխնիկա։Հարկ եղած դեպքում մեխանիզմների տեղափոխումն աշխատանքների կատարման վայր կատարվում է մեր կողմից։
ԳՈՐԾԱՐԱՆ
«Հրազդանի ՃՇՇՁ» ԲԲԸ-ն 40 տարուց ավելի շահագործում է գերմանական «ՏԵԼՏՈՄԱՏ» արտադրության ասֆալտ-բետոնի գործարանը
- Կոտայքի մարզ, ք․ Հրազդան, Շահումյան 342
- (+374)-44-170-002
- info@roadconstruct.am
- www.roadconstruct.am